На Лагойшчыне прайшоў велапрабег «Дзякуй за Перамогу»

Субота, 08 Май 2021 11:03 120

Ён з'яўляецца адным з лёгкаатлетычных мерапрыемстваў, якія праходзяць у нашым раёне ў гонар Вялікай Перамогі.

Арганізатарамі прабегу выступілі раённы камітэт БРСМ пры садзейнічанні райвыканкама, аддзела ідэалагічнай работы, культуры і па справах моладзі. Удзел у ім прынялі каля пяці дзясяткаў чалавек - актывісты Саюза моладзі, навучэнцы ўсіх гарадскіх школ, а таксама прадстаўнікі Лагойскага РАНС.

На роварах землякі пераадолелі 15 кіламетраў, з райцэнтра даехаўшы да кальца за Аўгустова і вярнуўшыся назад.

У вёсцы Аўгустова хлопцы ўшанавалі памяць ахвяр Вялікай Айчыннай вайны, усклаўшы вянкі да помніка загінулым.

Як адзначыў першы сакратар РК БРСМ Аджар Чевик, тое, што ўдзел у велапрабегу прымала ў асноўным моладзь, будзе садзейнічаць яе патрыятычнаму выхаванню.

- Мы, маладыя, павінны памятаць аб подзвігу нашых дзядоў і прадзедаў, -отметил Аджар. - Гэта спрыяе захаванню сувязі пакаленняў. Трэба сказаць, што ў гэтым годзе Дзень Перамогі супадае яшчэ і Днём дзяржаўнага герба і дзяржаўнага сцяга, таму мы вырашылі падтрымаць такім чынам яшчэ і нашу краіну, нашу сімволіку.

Нагадваем, што заўтра спартыўныя святочныя мерапрыемствы працягнуцца на стадыёне ў гарадскім парку. З 12 да 15 гадзін будуць праходзіць майстар-класы, адбудзецца міжнародны таварыскі футбольны матч.

Крыніца: logoysk.by