Галоўнае ўпраўленне спорту і турызму

Падрыхтоўка спартыўнага рэзерву.

 Рабочымі групамі Міністэрства спорту і турызму Рэспублікі Беларусь і галоўнага ўпраўлення восенню 2022 года праведзены маніторынг спецыялізаваных вучэбна-спартыўных устаноў і вучылішчаў алімпійскага рэзерву.

У вобласці існуе шматузроўневая вертыкаль падрыхтоўкі спартыўнага рэзерву, якая ўключае ў сябе:

60 СУСУ (22 спецыялізаваных дзіцяча-юнацкіх школ алімпійскага рэзерву (далей – СДЮШАР) і 26 дзіцяча-юнацкіх спартыўных школ (далей – ДЮСШ) і 12 ДЮСШ у выглядзе адасобленых структурных падраздзяленняў спартыўных клубаў);

2 вучылішча алімпійскага рэзерву;

 Мінскі абласны комплексны цэнтр алімпійскага рэзерву;

 Мінскі абласны цэнтр алімпійскага рэзерву па конным спорце.

 У мінулым годзе аптымізавана 4 ўстановы:

 У 2022 годзе адкрыта дзве ўстановы: ДЮСШ у структуры ТАА "Прафесійны футбольны клуб Арсенал» (г. Дзяржынск) і ДЮСШ у структуры ФК "Тарпеда - БелАЗ" (г. Жодзіна).

Культывуецца 39 відаў спорту, з іх 33 віды спорту ўваходзяць у праграму летніх і зімовых Алімпійскіх гульняў. 189 аддзяленняў па відах спорту, уключаючы 40 спецыялізаваных.

 Паводле аператыўных дадзеных да сістэматычных заняткаў спортам прыцягнута 17 430 спартсменаў. Спартыўную падрыхтоўку ажыццяўляюць 815 трэнераў-выкладчыкаў, у тым ліку 516 штатных (у 2021 годзе – 785 трэнераў-выкладчыкаў, у тым ліку 581 штатны).

 У 2022 у вышэйшае звяно падрыхтоўкі з СУСУ вобласці перададзена 282 спартсмены (у 2021 годзе – 274 спартсмены, у 2020 годзе – 223 спартсмены), 530 спартсменаў вобласці ўваходзілі ў спісачныя склады нацыянальных і зборных каманд Рэспублікі Беларусь па відах спорту (у 2021 годзе – 521 спартсмен, у 2020 годзе – 516 спартсменаў).

Адной з перспектыўных формаў развіцця дзіцяча-юнацкага спорту з'яўляюцца спецыялізаваныя па спорце класы. У 2022/2023 навучальным годзе функцыянуюць 69 класаў па 18 відах спорту, у якіх займаюцца 1208 навучэнцаў (у 2021/2022 навучальным – 69 класаў па 18 відах спорту, у 2020/2021 навучальным годзе – 65 класаў па 17 відах спорту).

 Падчас летняй спартыўна – аздараўленчай кампаніі 2022 года аздаравіліся і павысілі сваё спартыўнае майстэрства 7986 навучэнцаў СУСУ (у 2021 годзе - 7798 навучэнцаў). Працэнт аздараўлення навучэнцаў склаў 47,3% пры плане 44%.

 З мінулага года пачаў функцыянаваць стацыянарны спартыўна-аздараўленчы лагер у спартыўна-аздараўленчай базе "Круты Яр" у Барысаўскім раёне, у якім аздаравілася ў 2022 годзе 746 юных спартсменаў.

У мэтах стымулявання спартсменаў за высокія спартыўныя вынікі штогод прымаецца рашэнне Мінскага абласнога Савета дэпутатаў, згодна з якім спартсменам Міншчыны выплачваюцца Стыпендыі са сродкаў мясцовых бюджэтаў.

 У 2022 годзе 43 маладыя спецыялісты скончылі БДУФК, з іх 36 спецыялістаў па спецыяльнасці «Спартыўна-педагагічная дзейнасць (трэнерская работа па відзе спорту)», якія ўсе працаўладкаваны.

 Па мэтавым накіраванні размеркавана 8 выпускнікоў: Вілейскі раён - 3 чалавекі (аздараўленчая, акрабатыка, плаванне), Мінскі раён (аздараўленчая), Мядзельскі раён (веславанне на байдарках і каноэ), Нясвіжскі раён (валейбол), Смалявіцкі раён (барацьба вольная), Уздзенскі раён (футбол).

У 2022 годзе Міністэрствам спорту і турызму Рэспублікі Беларусь для вобласці зацверджаны кантрольныя лічбы прыёму на ўмовах мэтавай падрыхтоўкі ў колькасці 26 месцаў, з іх уступныя выпрабаванні прайшлі 22 чалавекі.

 У 2022 годзе з 32 выпускнікоў вучэльняў алімпійскага рэзерву (па спецыяльнасці «Спартыўна-педагагічная дзейнасць») паступіла ў БДУФК 13 чалавек, 5 чалавек размеркаваны ў спартыўныя ўстановы, 23 чалавекі працягваюць ажыццяўляць Спартыўна-трэніровачную дзейнасць, як члены нацыянальных і зборных каманд Рэспублікі Беларусь.

 Клубы па гульнявых відах спорту.

Вышэйшым звяном падрыхтоўкі ў гульнявых відах спорту з'яўляюцца клубы па гульнявых відах спорту. У вышэйшых лігах (у хакеі з шайбай – Экстралізе) вобласць прадстаўляюць 14 клубаў (каманд) па 7 гульнявых відах спорту, 3 клубы (каманды) прадстаўлены ў нацыянальных чэмпіянатах першай лігі, астатнія клубы (каманды) удзельнічаюць у рэспубліканскіх спаборніцтвах на аматарскім узроўні.

Па колькасці клубаў (каманд), якія ўдзельнічаюць у вышэйшых дывізіёнах чэмпіянатаў Рэспублікі Беларусь па гульнявых відах спорту, вобласць займае лідзіруючую пазіцыю сярод іншых рэгіёнаў Беларусі.

 Клубы з'яўляюцца пастаяннымі ўдзельнікамі еўрапейскіх клубных спаборніцтваў па гульнявых відах спорту.

Чэмпіёнамі Рэспублікі Беларусь сезонаў 2021 – 2022 гадоў (2022 года) сталі валейбольны і футбольны клубы "Шахцёр" (г. Салігорск), жаночы Баскетбольны клуб "Гарызонт" (Мінскі раён) і жаночы хакейны клуб "Вікторыя" (г. Смалявічы, Хакей на траве).

 Срэбным прызёрам стаў другі год запар футбольны клуб "БАТЭ «(г. Барысаў), гандбольны спартыўны клуб "БНТУ-БелАЗ", бронзавыя ўзнагароды заваяваў хакейны клуб "Шахцёр" (г. Салігорск).

У футболе ў сезоне – 2021/2022 гадоў у Лізе чэмпіёнаў УЕФА чэмпіён Беларусі – "Шахцёр" (г. Салігорск) пацярпеў паразу ў першым кваліфікацыйным раўндзе і працягнуў выступ у Лізе канферэнцый УЕФА, дзе таксама пацярпеў паразу ў другім кваліфікацыйным раўндзе. У гэтым жа турніры выступалі два іншыя клубы вобласці і сінхронна пацярпелі паразы на гэтай жа стадыі: Тарпеда (г. Жодзіна) і БАТЭ (г. Барысаў).