Галоўнае ўпраўленне спорту і турызму

З мая 1924 года ў Мінскай акрузе быў арганізаваны Мінскі Акруговы Савет фізічнай культуры. Начальнікамі Мінскага акруговага Савета фізічнай культуры на той перыяд з'яўляліся Т.Давідовіч і Т.Нісенбаум (з 1928 года). У акрузе сталі праводзіцца цэлы шэраг мерапрыемстваў па пашырэнні значэння фізкультуры сярод шырокіх мас грамадства. У Мінскай акрузе праводзіліся спецыяльныя фізкультурныя дэманстрацыі падчас Усебеларускага з'езда саветаў і ў сувязі з прыездам начальніка спартыўнага Інтэрнацыяналу Т.Надвойскага.

15 студзеня 1938 г. - Першая сесія Вярхоўнага Савета СССР прыняла пастанову «Аб змяненні і дапаўненні артыкулаў Канстытуцыі СССР «Аб увядзенні ў БССР абласнога адміністрацыйнага дзялення», згодна з якім ўтворана Мінская вобласць. Мінская вобласць уключала 20 раёнаў: Бягомльскі, Барысаўскі, Грэскі, Заслаўскі, Капыльскі, Чырвонаслабодскі, Крупскі, Лагойскі, Любанскі, Мінскі, Плешчаніцкі, Пухавіцкі, Рудзенскі, Слуцкі, Смалявіцкі, Старобінскі, Старадарожскі, Уздзенскі, Халопеніцкі, Чэрвеньскі. У 1939 годзе ўтвораны Дзяржынскі раён.

Тады быў утвораны Мінскі абласны Савет дэпутатаў працоўных.

У перыяд з 1938 па 1941 гг. у Мінскай вобласці дзейнічаў Мінскі абласны камітэт па справах фізічнай культуры і спорту пры выканаўчым камітэце Мінскага абласнога Савета дэпутатаў працоўных. Ён аднавіў сваю дзейнасць 14 жніўня 1944 г. старшынямі Мінскага абласнога камітэта па справах фізічнай культуры і спорту з'яўляўся Я.Тараткевіч (з 1947 г.), Рыўкінд Сямён Рыгоравіч (з 1950 г.).

У адпаведнасці з загадам міністра аховы здароўя БССР ад 29 ліпеня 1953 г. Мінскі абласны камітэт па справах фізічнай культуры і спорту пры выканаўчым камітэце Мінскага абласнога Савета дэпутатаў працоўных перададзены ў вядзенне аддзела аховы здароўя Мінабліспакома і стаў з'яўляцца структурнай часткай Аддзела – сектарам па фізічнай культуры і спорце аблздраваддзела (камітэт па справах фізічнай культуры і спорту пры аддзеле аховы здароўя выканаўчага камітэта Мінскага абласнога Савета дэпутатаў працоўных). Намеснікам загадчыка Мінаблздраваддзела стаў Леанід Ізраілевіч Прупес. Быў арганізаваны Савет облздравотдела па фізічнай культуры і спорце.

У адпаведнасці з пастановай СМ БССР ад 19 красавіка 1954 г. і загадам міністра аховы здароўя БССР ад 24 красавіка 1954 г. камітэт выдзелены з сістэмы органаў аховы здароўя і ператвораны ў самастойную арганізацыю – камітэт па фізічнай культуры і спорце пры выканаўчым камітэце Мінскага абласнога Савета дэпутатаў працоўных. У 1958 годзе старшынёй камітэта па фізічнай культуры і спорце пры выканаўчым камітэце Мінскага абласнога Савета дэпутатаў працоўных стаў М.І.Дудко. 

На падставе пастановы ЦК КПСС і СМ СССР ад 9 студзеня 1959 г. камітэт скасаваны, а на яго базе створаны Мінскі абласны савет Саюза спартыўных таварыстваў і арганізацый БССР (01.03.1959-04.03.1968 гг.). Прадметам дзейнасці Мінскага абласнога савета Саюза спартыўных таварыстваў і арганізацый БССР з'яўлялася ўцягванне шырокіх мас насельніцтва ў сістэматычныя заняткі фізічнай культурай і спортам, правядзення фізкультурна-аздараўленчых мерапрыемстваў у вобласці.

Згодна з пастановамі ЦК КПБ і СМ БССР ад 4 снежня 1968 г. «Аб паляпшэнні кіраўніцтва фізічнай культурай і спортам» ператвораны ў камітэт па фізічнай культуры і спорце пры выканаўчым камітэце Мінскага абласнога Савета дэпутатаў працоўных.